2022 წლის 3-12 თებერვალს, UPDATE საერთაშორისო სამეცნიერო საგანმანათლებლო პლატფორმის ვიცე-პრეზიდენტი, ჩერნიგოვის პოლიტექნიკური ეროვნული უნივერსიტეტის პროფესორი, ოლჰა რუდენკო სამუშაო ვიზიტით იმყოფებოდა ეკონომიკური კვლევების ეროვნულ ინსტიტუტში. შეხვედრისას მონაწილეებმა განიხილეს შემდგომი სამეცნიერო და საგანმანათლებლო თანამშრომლობის სფეროები, ტრენინგის შესაძლებლობები, ასევე ერთობლივი პროექტების იდეები.
ეკონომიკური კვლევების ეროვნულ ინსტიტუტთან ხანგრძლივი თანამშრომლობის შედეგად მხარეებმა ხელი მოაწერეს შეთანხმებას, რომელიც ითვალისწინებს საერთაშორისო პროექტების განხორციელების, ერთობლივი ღონისძიებების გამართვის, პანდემიის შეზღუდვების პირობებში სამეცნიერო თანამშრომლობის პერსპექტივების გაფართოების შესაძლებლობებს. ოლჰა რუდენკომ და ინსტიტუტის დირექტორმა ბადრი გეჩბაიამ განიხილეს 2022 წლის ივნისში ქ. ბათუმში დაგეგმილი აღმოსავლეთ პარტნიორობის ინიციატივების შემუშავებისა და განხორციელების შესაბამის საკითხებზე I საერთაშორისო კონგრესის ჩატარების პროექტი.